السلاموا عليكم حقول لكم الطريقه ديه حبايبى وألف هنا وشفا ومتنسوش تدعولى أحمل أن شاء الله .
المقادير :-
1 كوب سكر .
1 كوب لبن .
1 ونصف كوب دقيق .
نصف كوب زيت + معلقه كبيره سمن أو زبده .
1 كيس فانيليا + 1 كيس بيكنج بودر + 1 كيس نسكافيه .
3 بيضات .
2 معلقه كبيره كاكاو خام .
الطريقه :-
الخطوه الأولى :-
تجيبى السكر + اللبن + الزيت والسمن + النسكافيه + الكاكاو الخام ونضربهم فى الخلاط حتى يصبح القوام غليظ ثم نأخذ بمعيار كوب من الخليط ويفضل الكوب اللى كنتى بتعيرى بيه ونتركه.
الخطوه الثانيه :-
نأخذ الباقى ونضعه فى وعاء غويط ونضع عليه الباقى من المقادير وهى الدقيق والبيض والفانيليا والبكنج بودر ويضربوا جيدا بمضرب البيض ثم ندهن الصينيه زيت علشان مايلزقش ونحطها فى الفرن وعند نضجها ننشلها من الفرن ويفضل وهى ساخنه علشان تتشرب الشيكولاته اللى فى الكوب ونقطعها حسب الرغبه ونسقيها بالكوب اللى كان متروك فى الخطوه الأولى وسيبيها تبرد ثم ضعيها فى الثلاجه حتى تقدم والف هنا وشفا انا بعملها بتأخذ وقت منى بالضبط ثلث ساعه فجربوها وبالأمانه تقولولى وشكرا .
